Asianet Suvarna News Asianet Suvarna News

ಒಂದೇ ಗಂಟೆಯೊಳಗೆ ರಿಸಲ್ಟ್: ಬೆಂಗಳೂರು ವಿವಿ ಸೂಪರ್ ಫಾಸ್ಟ್..!

ಪರೀಕ್ಷೆ ಮುಗಿದು ಎರಡ್ಮೂರು ತಿಂಗಳಾದರೂ ಫಲಿತಾಂಶ ಹೊರಬೀಳುವುದಿಲ್ಲ. ಆದ್ರೆ ಬೆಂಗಳೂರು ವಿಶ್ವವಿದ್ಯಾಲಯವು ಸೂಪರ್ ಫಾಸ್ಟ್ ಆಗಿದ್ದು, ಪರೀಕ್ಷೆ ಮುಗಿದ ಕೇವಲ ಒಂದು ಗಂಟೆಯೊಳಗೆ ರಿಸಲ್ಟ್ ಪ್ರಕಟಿಸಿ ಇತಿಹಾಸ ಬರೆದಿದೆ.

Bengaluru university announced examination results within 1 hour
Author
Bengaluru, First Published Jan 4, 2019, 10:37 PM IST

ಬೆಂಗಳೂರು, [ಜ.04]: ಬಿಟೆಕ್ ಮತ್ತು ಬಿ ಆರ್ಕ್ ಕೋರ್ಸ್​ಗಳ ಪರೀಕ್ಷಾ ಫಲಿತಾಂಶವನ್ನ ಪರೀಕ್ಷೆ ಮುಗಿದ 1 ಗಂಟೆಯೊಳಗೆ ಪ್ರಕಟಿಸುವ ಮೂಲಕ ಬೆಂಗಳೂರು ವಿಶ್ವವಿದ್ಯಾಲಯ ಹೊಸ ದಾಖಲೆ ಬರೆದಿದೆ.

‌ಬೆಂಗಳೂರು ವಿಶ್ವವಿದ್ಯಾಲಯದ ವಿಶ್ವೇಶ್ವರಯ್ಯ ಇಂಜಿನಿಯರಿಂಗ್ ಕಾಲೇಜಿನ ಬಿಟೆಕ್​​ನ ಎಲ್ಲಾ ಕೋರ್ಸ್​ಗಳ ಮೊದಲನೇ ಸೆಮಿಸ್ಟರ್ ಮತ್ತು ಬಿ ಆರ್ಕ್ ಪರೀಕ್ಷೆಗಳ ಫಲಿತಾಂಶ ಪ್ರಕಟಿಸಲಾಗಿದೆ. 

ಈ ಸಂಬಂಧ ಬೆಂಗಳೂರು ವಿವಿ ಪರೀಕ್ಷಾ ಮಂಡಳಿಗೆ ಮೆಚ್ಚುಗೆಗಳ ಮಹಾಪೂರವೇ ಹರಿದುಬರುತ್ತಿದೆ. ಪರೀಕ್ಷೆ ಮುಗಿದು ಕೇವಲ ಒಂದು ಗಂಟೆಯಲ್ಲೇ ‌ಫಲಿತಾಂಶ ಪ್ರಕಟಿಸಿರೋದು ದೇಶದಲ್ಲೇ ಪ್ರಥಮ.

ಇದಕ್ಕೆ ವಿದ್ಯಾರ್ಥಿಗಳು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ವಿವಿ ವೆಬ್ ಸೈಟ್​​ನಲ್ಲಿ Www.Bangalore university.ac.in ವೆಬ್ ಸೈಟ್​ನಲ್ಲಿ ಫಲಿತಾಂಶ ಲಭ್ಯವಿದೆ.

Follow Us:
Download App:
  • android
  • ios