Asianet Suvarna News Asianet Suvarna News

ಬಾಂಗ್ಲಾ ಸರ​ಣಿಗೆ ಧೋನಿ, ಕೊಹ್ಲಿ ಆಯ್ಕೆ ಡೌಟ್?

ನವೆಂಬರ್ 03ರಿಂದ ಆರಂಭವಾಗಲಿರುವ ಬಾಂಗ್ಲಾದೇಶ ವಿರುದ್ಧದ ಮೂರು ಪಂದ್ಯಗಳ ಟಿ20 ಸರಣಿಗೆ ಇಂದು ಟೀಂ ಇಂಡಿಯಾ ಆಯ್ಕೆ ಪ್ರಕ್ರಿಯೆ ನಡೆಯಲಿದೆ. ಧೋನಿ ಭವಿಷ್ಯದ ಬಗ್ಗೆ ಇಂದು ಸ್ಪಷ್ಟನೆ ಸಿಗುವ ಸಾಧ್ಯತೆಯಿದೆ. ಈ ಕುರಿತಾದ ವರದಿ ಇಲ್ಲಿದೆ ನೋಡಿ...

Former Captain MS Dhoni Likely To Feature In Bangladesh T20I Series
Author
Mumbai, First Published Oct 24, 2019, 9:58 AM IST

ಮುಂಬೈ[ಅ.24]: ಬಾಂಗ್ಲಾದೇಶ ವಿರುದ್ಧದ ಟಿ20 ಸರ​ಣಿಗೆ ಗುರು​ವಾರ ಭಾರತ ತಂಡದ ಆಯ್ಕೆ ನಡೆ​ಯ​ಲಿದ್ದು, ಎಲ್ಲರ ಗಮನ ಮಾಜಿ ನಾಯಕ ಮಹೇಂದ್ರ ಸಿಂಗ್‌ ಧೋನಿ ಅವರತ್ತ ಕೇಂದ್ರೀಕರಿಸಿದೆ. 

ಟೀಂ ಇಂಡಿಯಾ ಎದುರಿನ ಟಿ20 ಸರಣಿಗೆ ಬಾಂಗ್ಲಾದೇಶ ತಂಡ ಪ್ರಕಟ

ಇಂಗ್ಲೆಂಡ್‌ನಲ್ಲಿ ನಡೆದ 2019ರ ಐಸಿಸಿ ಏಕದಿನ ವಿಶ್ವಕಪ್‌ ಸೆಮಿಫೈನಲ್‌ ಬಳಿಕ ಧೋನಿ ಅಂತಾ​ರಾ​ಷ್ಟ್ರೀಯ ಕ್ರಿಕೆಟ್‌ ಆಡಿಲ್ಲ. ಈ ಸರ​ಣಿಗೆ ಸ್ಥಾನ ಸಿಗ​ಲಿ​ದೆಯೇ ಎನ್ನುವ ಕುತೂ​ಹಲವಿದೆ. ಮೂಲ​ಗಳ ಪ್ರಕಾರ, ಧೋನಿಯನ್ನು ಆಯ್ಕೆ ಮಾಡು​ವು​ದಿಲ್ಲ ಎನ್ನ​ಲಾ​ಗಿದ್ದು, ರಿಷಭ್‌ ಪಂತ್‌ಗೆ ಮತ್ತೊಂದು ಅವ​ಕಾಶ ಸಿಗುವ ನಿರೀಕ್ಷೆ ಇದೆ.

ಟೀಂ ಇಂಡಿಯಾ ಕ್ರಿಕೆಟಿಗ to ಬಿಸಿಸಿಐ ಅಧ್ಯಕ್ಷ; ಗಂಗೂಲಿ ಹೋರಾಟದ ಹಾದಿ!

ಸಂಜು ಸ್ಯಾಮ್ಸನ್‌ರಿಂದ ಭಾರೀ ಪೈಪೋಟಿ ಇದ್ದರೂ, ಪಂತ್‌ರನ್ನೇ ಆಯ್ಕೆ ಮಾಡಲು ಎಂ.ಎಸ್‌.ಕೆ.​ಪ್ರ​ಸಾದ್‌ ನೇತೃ​ತ್ವದ ಆಯ್ಕೆ ಸಮಿತಿ ನಿರ್ಧ​ರಿ​ಸಿದೆ ಎನ್ನ​ಲಾ​ಗಿದೆ. ಆದರೆ ತಂಡದ ಆಡ​ಳಿತದ ವಾದವೇನು ಎನ್ನುವುದು ನಿರೀಕ್ಷೆ ಹುಟ್ಟಿ​ಸಿ​ದೆ.

ಮಾಧ್ಯ​ಮ​ಗ​ಳ ವರದಿ ಪ್ರಕಾರ ವಿರಾಟ್‌ ಕೊಹ್ಲಿ, ಟಿ20 ಸರ​ಣಿ​ಗೆ ವಿಶ್ರಾಂತಿ ಪಡೆ​ಯ​ಲಿ​ದ್ದಾರೆ ಎನ್ನ​ಲಾ​ಗಿದೆ. ಕೊಹ್ಲಿ ನಿರಂತರವಾಗಿ ಕ್ರಿಕೆಟ್‌ ಆಡು​ತ್ತಿದ್ದು ಅವ​ರಿಗೆ ವಿಶ್ರಾಂತಿ ಅಗ​ತ್ಯ​ವಿದೆ ಎಂದು ತಂಡದ ಫಿಟ್ನೆಸ್‌ ಟ್ರೈನರ್‌ ಸಲಹೆ ನೀಡಿ​ದ್ದಾರೆ ಎನ್ನ​ಲಾ​ಗಿದೆ. ಆದರೆ ಕೆಲ ಮೂಲ​ಗಳ ಪ್ರಕಾರ, ಕೊಹ್ಲಿ ಟಿ20 ಸರಣಿ ಆಡಲು ಇಚ್ಛಿ​ಸಿ​ದ್ದಾರೆ ಎಂದು ಹೇಳ​ಲಾ​ಗಿದೆ.

INDvSA ಟೆಸ್ಟ್ ಸರಣಿಯಲ್ಲಿ ನಿರ್ಮಾಣವಾಯ್ತು ಹಲವು ದಾಖಲೆ!

ಟೆಸ್ಟ್‌ ಸರ​ಣಿಗೂ ತಂಡ: ಪ್ರಸಾದ್‌ ನೇತೃ​ತ್ವದ ಆಯ್ಕೆ ಸಮಿತಿಯ ಕೊನೆ ಸಭೆ ಇದಾ​ಗಿದ್ದು, 2 ಪಂದ್ಯಗಳ ಟೆಸ್ಟ್‌ ಸರ​ಣಿಗೂ ತಂಡದ ಆಯ್ಕೆ ನಡೆ​ಯ​ಲಿದೆ. ಬಹು​ತೇಕ ದಕ್ಷಿಣ ಆಫ್ರಿಕಾ ವಿರುದ್ಧ ಆಡಿದ ತಂಡ​ವನ್ನೇ ಉಳಿ​ಸಿ​ಕೊ​ಳ್ಳುವ ನಿರೀಕ್ಷೆ ಇದೆ. ವೃದ್ಧಿ​ಮಾನ್‌ ಸಾಹ ಕೈಬೆ​ರ​ಳಿಗೆ ಗಾಯ ಮಾಡಿ​ಕೊಂಡಿ​ದ್ದು ಅವರು ಫಿಟ್‌ ಆಗ​ಲಿ​ದ್ದಾರೆಯೇ ಎನ್ನುವ ಪ್ರಶ್ನೆ ಇದೆ. ವೇಗಿ ಜಸ್‌ಪ್ರೀತ್‌ ಬುಮ್ರಾ ಸಹ ತಂಡಕ್ಕೆ ಮರ​ಳ​ಲಿ​ದ್ದಾರೆ ಎನ್ನ​ಲಾ​ಗಿದೆ.
 

Follow Us:
Download App:
  • android
  • ios